Кошт праезду ў электрычках вырас на 33-50%

Мінэканомікі пастановай ад 21 чэрвеня на 20-50% павялічыла тарыфы на перавозкі пасажыраў і багажу чыгуначным транспартам ва ўнутрырэспубліканскіх маршрутах.

Паводле дакумента, на 20% павышаны тарыфы на перавозкі пасажыраў прыгараднымі электра- і дызель-цягнікамі, а таксама пасажырскімі і хуткімі цягнікамі ва ўнутрырэспубліканскіх маршрутах.

Таксама на 20% павялічаны тарыфы на перавозкі багажу і грузабагажу, піша АФН.

Акрамя таго, на 33-50% павялічаны тарыфы на перавозкі пасажыраў прыгараднымі электрацягнікамі, сфармаванымі з вагонаў палепшаных характарыстык.