Укрсіббанк: Мы не працуем з беларускай валютай

Укрсіббанк супрацоўнічае з грамадзянамі Беларусі, але не працуе з беларускай валютай.

Аб гэтым паведаміла прадстаўнік банка, каментуючы інфармацыю аб тым, што іх установа адмаўляецца абменьваць валюту фізічным асобам - грамадзянам Беларусі, перадае РІА «Новости».

«Маецца на ўвазе, што Укрсіббанк не працуе менавіта з валютай Беларусі. То бок у дадзены момант грамадзяне Беларусі могуць звярнуцца ў аддзяленне банка для таго, каб ажыццявіць куплю або продаж валюты. Менавіта з грамадзянамі Беларусі Укрсіббанк працуе, пры гэтым з нацыянальнай валютай Беларусі Укрсіббанк не супрацоўнічае», - сказала прадстаўнік банка.

Суразмоўца агенцтва таксама растлумачыла, што ва ўстанове існуе пэўны пералік валют, з якімі банк ажыццяўляе аперацыі. Сярод такіх валют украінская грыўня, даляр, еўра, польскія злотыя і фунты.

Яна таксама ўдакладніла, што абмежаванні па працы з валютай агульныя, і датычацца як фізічных, так і юрыдычных асоб. Банк абслугоўвае каля двух мільёнаў раздробных кліентаў.

Укрсіббанк заснаваны 1990 годзе ў Харкаве. У 2006 годзе фінансавая група BNP Paribas купіла 51% Укрсіббанка, у 2009 годзе частка была павялічана да 81,42%, а ў 2010 годзе - да 99,99%. У жніўні 2011 года завяршылася працэдура набыцця 15% акцый банка Еўрапейскім банкам рэканструкцыі і развіцця (ЕБРР), такім чынам, частка BNP Paribas склала 84,99%.

Як раней паведамляў сайт charter97.org, банкі RBS, BNP Paribas і Deutsche Bank спынілі супрацоўніцтва з уладамі Беларусі на працягу 2011 года ў адказ на разгон акцыі пратэсту апазіцыі.