У Гомелі на заўтра абвешчаны «сухі закон»

2 жніўня з 6 гадзін раніцы да поўначы ў Гомелі будзе забаронены рознічны гандаль алкагольнымі, слабаалкагольнымі напоямі і півам у аб'ектах рознічнага гандлю.

Як нагадвае БелаПАН, у гэты дзень у горадзе пройдзе першы матч трэцяга кваліфікацыйнага раўнда Лігі Еўропы паміж «Гомелем» і «Ліверпулем».

Таксама 2 жніўня традыцыйна адзначаецца Дзень паветрана-дэсантных войскаў.