Прадпрыемства СЭЗ «Менск» могуць пазбавіць статусу рэзідэнта

Адно з прадпрыемстваў СЭЗ «Менск» ужо ў бліжэйшы час можа быць пазбаўлена статусу рэзідэнта СЭЗ за сістэматычнае парушэнне дамоўных абавязацельстваў перад дзяржавай.

Ні ў 2011 годзе, ні ў першым паўгоддзі 2012 года прадпрыемства не зрабіла экспартных паставак, працягнуўшы рэалізоўваць сваю прадукцыю на ўнутраным рынку, піша БелаПАН.

Рашэнне аб пачатку дадзенай працэдуры прынята ў ходзе пасяджэння савета адміністрацыі СЭЗ «Менск», у працы якога прынялі ўдзел супрацоўнікі Камітэта дзяржаўнага кантролю.

Іншыя ж прадпрыемствы СЭЗ, якія не выконваюць абавязацельствы па экспарце прадукцыі, але ў якіх назіраецца станоўчая дынаміка ў нарошчванні аб'ёмаў экспарту, папярэджаныя аб аўтаматычным пазбаўленні статусу рэзідэнта СЭЗ у выпадку невыканання паказчыка па экспарту па выніках працы за 2012 год.

У дачыненні да рэзідэнтаў СЭЗ, якія рэалізуюць інвестыцыйныя праекты, якія накіраваны на стварэнне вытворчасцей па вырабу прадукцыі, неабходнай на ўнутраным рынку, прынята рашэнне інфармаваць вышэйстаячыя органы аб сітуацыі з невыкананнем паказчыка па экспарту прадукцыі і прыняцці мер рэагавання.

Праблема дзейнасці рэзідэнтаў СЭЗ, якія не выконваюць дамоўныя абавязацельствы перад дзяржавай, была паднятая работнікамі КДК яшчэ ў пачатку 2012 года ў ходзе папярэдняга пасяджэння адміністрацыі СЭЗ «Менск». Тады было адзначана, што шэраг прадпрыемстваў свабоднай эканамічнай зоны не выконваюць абавязковыя ўмовы па экспарту прадукцыі не менш за 70% у аб'ёме выручкі. Пры гэтым рэзідэнтам СЭЗ дзяржавай прадастаўлены розныя льготы і прэферэнцыі. Зроблена гэта ў першую чаргу для стварэння экспартна арыентаваных вытворчасцей і рэалізацыі прадукцыі на экспарт. На практыцы ж асобныя прадпрыемствы СЭЗ за кошт ільготных умоў рэалізоўвалі практычна ўсю сваю прадукцыю ўнутры Беларусі, ствараючы нядобрасумленную канкурэнцыю ў адносінах да айчынных вытворцаў, якія не маюць льгот.