Velcom да гэтага часу не адышоў пасля дэвальвацыі

Кампанія Telekom Austria адчыталася аб зніжэнні выручкі па выніках I паўгоддзя 2012 года ў параўнанні з I паўгоддзем 2011 года на 4,9% да 2118,3 млн. еўра і EBITDA на 6,6% да 726,2 млн. еўра.

Асноўнай прычынай гэтага кампанія назвала дэвальвацыю беларускага рубля ў 2011 годзе, піша АФН.

Як вынікае са справаздачы Telekom Austria, выручка беларускай дачкі - аператара мабільнай сувязі Velcom - у I паўгоддзі 2012 года знізілася на 15,9% у параўнанні з I паўгоддзем 2011 года да 136,9 млн. еўра (паводле Міжнароднай фінансавай справаздачнасці з улікам гіперінфляцыі).

Паказчык EBITDA (прыбытак да выплаты падатку на прыбытак, адсоткаў і амартызацыі) за 6 месяцаў знізіўся на 26,7% і склаў 55,3 млн. еўра, EBIT (прыбытак да выліку падаткаў і працэнтаў) скараціўся на 81,7% да 7, 7 млн. еўра.

У II квартале 2012 года выручка склала 76,7 млн. еўра, павялічыўшыся на 5,2% у параўнанні з II кварталам 2011 года. Паказчык EBITDA знізіўся на 4,6% да 31,8 млн. еўра, EBIT упаў на 69,3% і склаў 6,1 млн. еўра.