Міліцыя затрымала ілжэмінёра

Затрыманы менчук, які паведаміў аб планаваным выбуху чыгуначнага вакзалу.

За паведамленне аб планаваным выбуху чыгуначнага вакзалу ў Менску затрыманы мясцовы жыхар 1985 года нараджэння, які знаходзіўся ў стане алкагольнага ап’янення, непрацуючы, раней судзімы за крадзяжы і рабаванні.

Пра гэта БелаПАН паведамілі ў праваахоўных органах.

Па дадзеным факце праводзіцца праверка. Верагодней за ўсё, у дачыненні да затрыманага будзе ўзбуджана крымінальная справа за загадзя ілжывае паведамленне аб небяспеке (арт. 340 КК).

Нагадаем, 1 жніўня каля 20.15 у міліцыю патэлефанаваў невядомы і распавёў, што яго таварыш збіраецца падарваць вакзал. Нібыта выбухная прылада можа быць закладзена на трэцім паверсе будынка.

Усяго з трэцяга і чацвёртага паверхаў было эвакуявана каля 170 пасажыраў і работнікаў вакзалу, затрымкі ў руху цягнікоў не было.