Беларусь адмяніла выдачу разавых ліцэнзій на імпарт алкаголю

Міністэрства гандлю Беларусі з 22 жніўня спыніла выдачу разавых ліцэнзій на імпарт алкагольнай прадукцыі, гаворыцца ў паведамленні Мінгандлю.

У ім тлумачыцца, што выдача разавых ліцэнзій адменена ў сувязі з уступленнем Расеі ў СГА і рашэннем Камісіі Мытнага саюза, згодна з якім забароны і абмежаванні на ўвоз і вываз асобных тавараў дзяржавамі членамі МС у рамках Еўразійскай эканамічнай супольнасці ў гандлі з трэцімі краінамі адмяняюцца.

Такім чынам, адмяняецца ліцэнзаванне імпарту алкагольнай прадукцыі, якая не трапляе пад выключнае права дзяржавы, алкагольнай прадукцыі ў ёмістасцях больш за 2 літраў, якая ўвозіцца ў Беларусь юрасобамі, якія з'яўляюцца перапрацоўшчыкамі такой прадукцыі. Таксама спынена ліцэнзаванне імпарту сумесяў духмяных рэчываў і сумесяў (у тым ліку спіртавыя растворы) на аснове аднаго або больш такіх рэчываў, якія выкарыстоўваюцца ў якасці прамысловай сыравіны, іншых прэпаратаў на аснове духмяных рэчываў, якія выкарыстоўваюцца для вытворчасці напояў, з аб'ёмнай доляй этылавага спірту 7 і больш адсоткаў.

Між тым, у Беларусі захоўваецца ранейшы парадак імпарту алкагольнай прадукцыі на аснове выключнага права дзяржавы, а таксама імпарт элітнага алкаголю, пералік якога штогод складае Мінгандлю.