Новая крымінальная справа супраць незалежнага журналіста

СК узбудзіў крымінальную справу ў дачыненні да журналіста Мікалая Петрушэнкі за «абразу прадстаўніка ўлады».

Падставай стаў артыкул Мікалая Петрушэнкі, размешчаны 8 жніўня на сайце nash-dom.info пад назвай «Педафіл атрымліваў прэміі за лепшыя дзіцячыя пляцоўкі». У артыкуле сцвярджалася, што намеснік старшыні Аршанскага гарвыканкама і гарадской «савет дэпутатаў» актыўна супрацоўнічалі з кіраўніком Асацыяцыяй уласнікаў «Юнацтва - Орша» Юрыем Дудкіным, які ў дадзены момант знаходзіцца ў СІЗА па падазрэнні ў крадзяжы 100 мільёнаў рублёў і ўступленні ў палавую сувязь з непаўналетняй .

Публікацыя размешчана ў раздзеле «Блогі», паведамляе прэс-служба БАЖ.

Згодна з пастановай за подпісам старэйшага следчага С. Шчарбянка, аўтар артыкула паказвае, што намеснік старшыні Аршанскага гарвыканкама падазраецца ў садзейнічанні дзейнасці педафіла. «Тым самым Петрушэнка публічна абразіў гарадскога чыноўніка як прадстаўніка ўлады ў сувязі з выкананнем ім службовых абавязкаў», - гаворыцца ў пастанове.

Сабраныя матэрыялы ўтрымліваюць дастатковыя дадзеныя, якія паказваюць на прыкметы злачынства па арт. 369, лічыць следчы. У сувязі з гэтым ён пастанаўляе распачаць справу ў дачыненні да Петрушэнкі і прыняць яе да разгляду.