Да Генпракуратуры рашэнне эквадорскага суда яшчэ не дайшло

Генеральная пракуратура Беларусі пакуль не атрымлівала адказу на свой запыт аб экстрадыцыі беларускага міліцыянта Аляксандра Баранкова з Эквадора.

«Афіцыйнага адказу з Эквадора ў Генеральную пракуратуру не паступала», - заявілі агенцтву «Інтэрфакс-Захад» у Генпракуратуры ў сераду.

Як паведамлялася, суд у Эквадоры адказаў адмовай на запыт Беларусі аб экстрадыцыі яе грамадзяніна на радзіму, дзе яго абвінавачваюць у махлярстве і вымагальніцтве.

Як перадае Бі-бі-сі, Аляксандр Баранкоў сцвярджае, што ён выкрыў карупцыю на вышэйшых узроўнях урада Беларусі, з-за чаго быў вымушаны бегчы з краіны. Суд пакінуў у сіле рашэнне аб прадастаўленні Баранкову статусу бежанца.