«Еўраньюс»: «Няма фатаграфіі - няма праблем» (Відэа)
40
11:43, — Палітыка
Тэлеканал «Еўраньюс» паказаў сюжэт пра зняволенага фатографа Антона Сурапіна.
У Беларусі прайшла новая акцыя ў падтрымку фатографа і блогера Антона Сурапіна, які ўжо больш за два тыдні ўтрымліваецца ў СІЗА КДБ у рамках так званай справы аб «плюшавым дэсанце».
Пра тое, якія менавіта абвінавачванні яму былі прад'яўленыя, пакуль не паведамляецца.
Малады чалавек быў затрыманы пасля таго, як на адным з сайтаў першым выклаў фатаграфіі з плюшавымі мядзведзямі, якія 4 ліпеня былі раскіданыя над Беларуссю з борта шведскага самалёта. Бацька Антона Сурапіна лічыць арышт сына «абсурдным», адзначае «Еўраньюс».
«Пакуль не здарылася так з маім сынам, то я нават і не ведаў, што ў нас у краіне такое ёсць. Бывае, што адбываюцца такія выпадкі - збіваюць журналістаў... але я пра гэта даведаўся толькі пасля таго, як арыштавалі майго сына. Я лічу, што гэта абсурдна», - кажа Андрэй Сурапін.
Па неафіцыйнай інфармацыі, Сурапіна падазраюць у датычнасці да арганізацыі незаконнага перасячэння беларускай мяжы. Яму можа пагражаць да сямі гадоў турэмнага зняволення.
Тым часам Аляксандр Лукашэнка правёў кадравыя змяненні і адправіў у адстаўку кіраўніка Дзяржпамежкамітэта. На яго думку, памежнікі павінны «усімі сродкамі» спыняць парушэнне дзяржмяжы, у тым ліку і зброяй.
Напісаць каментар (40)
Навіны
па тэме
- Наста Лойка: У Сурапіна надзея толькі на ўмоўны тэрмін (Відэа)
- БАЖ звярнулася да спецдакладчыка ААН па справе Антона Сурапіна
- Пастухоў: КДБ не мае права хаваць інфармацыю пра лёс Сурапіна
- Томас Мазэцці: Звольненыя начальнікі вінаватыя не больш, чым Лукашэнка
- Андрэй Сурапін: Сын паказаў рэальныя «дзіры» у СПА
Экспарт
Новости партнеров
