Раман Пратасевіч: Білі па нырках, патрабавалі пароль ад «Укантакце»
100
18:25, — Палітыка
Мадэратара вызвалілі толькі таму, што ён непаўнагадовы.
Моладзевы актывіст Раман Пратасевіч распавёў сайту charter97.org аб падрабязнасцях свайго затрымання.
«Я ехаў сёння ў горад, гадзін у 12. Выйшаў з дома. Потым заўважыў за сабой настойлівы «хвост». Пачаў віхляць, і яны быццам бы адсталі. І тут у адным з двароў Уручча з-за вугла выскачылі двое ў цывільным, схапілі мяне і заштурхалі ў мікрааўтобус. У ім мяне везлі нядоўга і неўзабаве перасадзілі ў «Волгу» да чэкістаў. Там мяне «павіталі» супрацоўнікі КДБ і адвезлі ў РУУС. Дзе мяне ўжо чакаў начальнік міліцыі грамадскай бяспекі ГУУС Менгарвыканкама Аляксандр Іоскін», - распавёў актывіст.
«Два чэкіста завялі мяне ў кабінет, да іх далучыліся і некалькі міліцыянтаў. Мне адразу сказалі, што «яны ўсё ведаюць», што мяне здалі свае ж, і каб я выкладваў свой лагін і пароль ад акаўнта ў сацыяльнай сетцы «Укантакце». Я ім патлумачыў, што я нічога не адмініструю, а толькі прадстаўляю ініцыятыву правядзення бясплатнага канцэрту гурта «Ляпіс Трубяцкой» у Менску. Ім было ўсё роўна, яны крычалі, аралі, білі па нырках і печані і працягвалі патрабаваць пароль. Пагражалі, што павесяць на мяне дробныя крадзяжы. Я ім паўтараў, што нічога не ведаю. Працягвалася гэта 4 гадзіны. У рэшце рэшт мяне адвялі ў іншы кабінет, дзе мяне проста пакінулі аднаго на некаторы час. Потым сказалі - забірай куртку і валі», - адзначыў Раман Пратасевіч.
Актывіст упэўнены, што арышты і выдаленне групы лішні раз пацвердзілі, што моладзь усё робіць правільна.
«Выдаленне нашай групы нічога не дасць. Гэта ўсяго толькі група ў інтэрнэце, а ідэі - яны ў галовах у людзей. Усё гэта ў чарговы раз паказала, што мы на правільным шляху і рухаемся ў правільным накірунку», - лічыць Раман Пратасевіч.
Варта адзначыць, што моладзеваму актывісту яшчэ не споўнілася 18 гадоў, таму, згодна з беларускім заканадаўствам, яго нельга прыцягнуць да адміністрацыйнага арышту.
Нагадаем, сёння па Менску пракацілася хваля арыштаў мадэратараў апазіцыйных груп у сацыяльнай сетцы «Укантакце». Таксама КДБ узламаў найбуйнейшыя інтэрнэт-супольнасці ў сацыяльнай сетцы «Укантакце» «Надакучыў нам гэты Лукашэнка», у якой налічвалася 37000 карыстальнікаў, і «Толькі ШОС», у якой было больш 15000 карыстальнікаў.
Паводле папярэдняй інфармацыі, затрыманыя Павел Еўціхіеў, Андрэй Ткачоў і яшчэ 2-3 чалавекі. Як паведаміў сайту charter97.org адзін з мадэратараў групы Сяргей Бяспалаў, па яго адрасе прапіскі прайшоў ператрус. Сам актывіст застаўся на волі, таму што знаходзіцца ў іншым месцы.
Напісаць каментар (100)
Навіны
па тэме
- Лабкович: Арест модераторов говорит о неадекватности режима
- Алег Волчак: Сацыяльныя сеткі перакрыць нельга
- Массовые аресты модераторов социальных сетей
Экспарт
Новости партнеров
