Над Менскам лёталі польскія знішчальнікі

Шасцёрка польскіх знішчальнікаў прыкладна ў 13:10 - 13:15 прайшла на нізкай вышыні над цэнтрам Менска.

Затым, самалёты, якія перабудаваліся ў ланцужок, здзейснілі яшчэ адзін круг над паўднёвай і цэнтральнай часткай сталіцы.

Але ніякіх варожых дзеянняў, якія пагражалі плённай працы незалежнай краіны ў цэнтры Еўропы не было.

Як паведамілі АФН ў Мінабароны РБ, пілатажная група Польшчы здзейсніла планавы пралёт над Менскам, накіроўваючыся ў Расею для ўдзелу ў святочных мерапрыемствах: 12 жніўня РФ адзначае дзень ВПС.

«Гэта планавы палёт», - падкрэсліў прадстаўнік МА РБ

У Мінабароны РБ не выключылі, што польскія лётчыкі здзейснілі дадатковыя манеўры над Менскам для заходу на пасадку на ваенны аэрадром Мачулішчы для запраўкі сваіх знішчальнікаў.