У Расеі выявілі небяспечнае мяса з Беларусі

У беларускім мясе знойдзены староннія мікраарганізмы.

Рассельгаснагляд падчас лабараторнага аналізу выявіў мікробнае забруджванне некаторых партый мясной прадукцыі, якая пастаўляецца з Беларусі, паведамляе «Інтэрфакс».

Як паведаміла служба, мезафільныя аэробныя і факультатыўна-анаэробныя мікраарганізмы былі выяўленыя ў партыі варанай каўбасы і ў трох партыях гатовай прадукцыі са свініны.

У сувязі з гэтым Рассельгаснагляд звярнуўся з просьбай да дзяржаўнай ветэрынарнай службы Беларусі прыняць меры да Віцебскай бройлернай птушкафабрыкі, Магілёўскага мясакамбіната і прадпрыемству «Глобал-Віцебск» з тым, каб яны выраблялі прадукцыю, якая цалкам адпавядае патрабаванням Мытнага саюза.

Акрамя таго, былі выяўлены парушэнні ў рабоце Менскага мясакамбіната. Паколькі яны былі паўторнымі, Рассельгаснагляд прапанаваў ветэрынарнай службе Беларусі правесці сумесную праверку гэтага прадпрыемства.