Беларускі самалёт парушыў паветраную мяжу Літвы
73
15:39, — Палітыка
(абноўлена) 21 верасня Літва ўручыла Беларусі ноту ў сувязі з парушэннем паветранай мяжы.
Гэтую інфармацыю пацвердзіла Міністэрства замежных спраў, паведамляе ru.delfi.lt са спасылкай на агенцтва BNS.
«Пацвярджаем, што беларускай амбасадзе ўручана нота, у якой просяць прадставіць інфармацыю ў сувязі з парушэннем паветранай мяжы Літвы», - сказана ў каментары МЗС.
Міністэрства абароны ў пятніцу пацвердзіла BNS, што ваенныя, якія назіралі за паветранай мяжой, зафіксавалі факт парушэння мяжы з боку Беларусі.
«Службы, якія назіралі за паветранай прасторай, зафіксавалі, што 18 верасня, у 16.54 г. неўстаноўлены авіялайнер парушыў паветраную мяжу Літвы з боку Беларусі, ён уварваўся на тэрыторыю Літвы каля вёскі Мацучай (Шальчынінкскі раён). Прабыўшы на літоўскай тэрыторыі некалькі дзясяткаў секунд, ён вярнуўся ў Беларусь. Пра гэта ВПС Літвы паведамілі МЗС », - сказана ў адказе МА.
Між тым Служба аховы дзяржмяжы адказала BNS, што ў віленскім аддзяленні гэтай службы пачата расследаванне ў сувязі з незаконным перасячэннем паветранай мяжы 18 верасня.
Гэты інцыдэнт быў зафіксаваны праз тры месяцы пасля скандалу з «плюшавымі мішкамі», калі шведскія актывісты незаконна патрапілі на тэрыторыю Беларусі з літоўскай тэрыторыі і выкінулі ў Беларусі з самалёта сотні плюшавых мішак з лозунгамі за свабоду слова.
Напісаць каментар (73)
Экспарт
Новости партнеров
