Ацэнкі «КамАЗа» і МАЗа для стварэння СП выраслі ўдвая

Зараз кампаніі ацэньваюцца ў 2 млрд і 1,6 млрд даляраў адпаведна.

Ацэнкі «КамАЗа» і МАЗа для стварэння сумеснага прадпрыемства выраслі ўдвая да 2 млрд і 1,6 млрд даляраў адпаведна, распавёў кіраўнік дзяржкарпарацыі «Растэхналогіі» Сяргей Чэмезаў, перадае агенцтва ПРАЙМ. «Растэхналогіям» належыць 49,9% «КамАЗа».

Чэмезаў прызнаўся, што перамовы ідуць «туга». Ён патлумачыў, што абодва бакі зрабілі новую ацэнку. «Таму нам цяпер трэба сесці і дамовіцца, ці прымаецца гэтая ацэнка беларускім бокам», - дадаў кіраўнік «Растэхналогій».

Топ-менеджэр удакладніў, што ацэнка, зробленая аўдытарскай кампаніяй Ernst & Young, перавышае ацэнку двухгадовай даўніны фактычна ў два разы. «Але гэта не таму, што мы так хочам, на самой справе ацэнка такая і ёсць, прадпрыемства развіваецца. Чаму мы павінны пагаджацца на той варыянт, які быў першапачаткова?»- сказаў Чэмезаў.

Ён удакладніў, што ў 2011 годзе Ernst & Young ацаніла МАЗ у 800 млн. даляраў.

Чэмезаў дадаў, што згоды ад Daimler (валодае 11% «КамАЗа») пакуль не атрымлівалі, паколькі яшчэ не дасягнуты дамоўленасці з Беларуссю. Ён прызнаўся, што хацеў бы стварэння холдынгу да канца, як было запланавана.

У чэрвені першы віцэ-прэм'ер Беларусі Уладзімір Сямашка паведамляў, што Беларусь мае намер перадаць у холдынг «МАЗ-КАМАЗ» 75% мінус адна акцыя МАЗа, а «КамАЗ» - 49,9% акцый. Ён патлумачыў, што пры такіх суадносінах абодва бакі ўступяць у холдынг роўнымі долямі ў грашовым эквіваленце.