Качан: Спартсмены свядома паказвалі дрэнны вынік

«Хто цяпер верне грошы дзяржаве?» - абураецца міністр спорту і турызму Алег Качан.

Як піша «Прессбол», міністр спорту і турызму Алег Качан, падводзячы вынікі выступлення беларускай каманды на лонданскай Алімпіядзе, у прыватнасці, адзначыў:

«Правалы ў лёгкай атлетыцы. Допінгавыя інцыдэнты, адсутнасць галоўнага трэнера і яго памочніка па медыцыне. Многія спартсмены з-за негатовасці адмовіліся ад удзелу ў Гульнях. Міністэрства фінансавала падрыхтоўку ў поўным аб'ёме. Хто цяпер верне гэтыя сродкі дзяржаве? Некаторыя спартсмены свядома паказвалі дрэнны вынік. Прычыны высвятляюцца».