Леанід Злотнікаў: Адток валюты ідзе бесперапынна
21
16:53, — Эканоміка
Як толькі мы перастанем атрымліваць новую валюту, золатавалютныя рэзервы вычарпаюцца, лічыць эканаміст.
Эканаміст Леанід Злотнікаў пракаментаваў сайту charter97.org скарачэнне золатавалютных рэзерваў (ЗВР) на 89 мільёнаў даляраў. Улады тлумачаць гэта завяршэннем здзелкі СВОП з Кітаем.
«Чым бы ўлады гэта не тлумачылі, ЗВР скарачаюцца, і гэта галоўнае, на што трэба звярнуць увагу. Тут не трэба шукаць канцы», - адзначыў эканаміст.
«Трэба адзначыць, што да сярэдзіны года ЗВР не скарачаліся, таму што дзяржава закупіла дадаткова 2 мільярды даляраў. Але пры гэтым за першыя пяць месяцаў золатавалютныя рэзервы практычна не павялічыліся. Гэта сведчыць аб тым, што адток валюты ідзе увесь час», - сказаў Леанід Злотнікаў.
«Атрымліваецца, што ў нас было 8 мільярдаў даляраў ЗВР, мы закупілі яшчэ 2 мільярды, а запасы павялічыліся толькі на некалькі соцень мільёнаў даляраў. Значыць, амаль два мільярды даляраў мы страцілі», - падкрэсліў эксперт.
«У канцы чэрвеня мы атрымалі транш у 440 мільёнаў даляраў са стабілізацыйнага фонду ЕўрАзЭС. А праз пару тыдняў з'явілася інфармацыя, што ЗВР павялічыліся толькі на 300 мільёнаў. Значыць, ідзе пастаянны адток валюты. Трэба вяртаць пазыкі, нешта закупляць. І на здзелку СВОП з Народным банкам Кітая ўвагі звяртаць не трэба. Што яна з сябе ўяўляе? Мы далі Кітаю беларускія рублі, а атрымалі юані. Потым нам трэба было вярнуць юані. Але гандаль з Кітаем у нас мае адмоўнае сальда, значыць юаняў, верагодна, не было і Беларусі давялося іх закупляць за валюту», - лічыць эканаміст.
«Так што адток валюты ідзе бесперапынна. І як толькі мы перастанем атрымліваць новую валюту, золатавалютныя рэзервы вычарпаюцца », - упэўнены Леанід Злотнікаў.
Нагадаем, паводле папярэдніх дадзеных Нацбанка, золатавалютныя рэзервы нашай краіны за жнівень скараціліся на 89 мільёнаў даляраў - да 8,195 мільярдаў даляраў. Гэта скарачэнне працягваецца ўжо другі месяц. У ліпені ЗВР Беларусі знізіліся на 82 мільёны долараў. Характэрна, што ў нацыянальным вызначэнні ЗВР Беларусі скараціліся нашмат больш значна - адразу на 1 мільярд даляраў.
Напісаць каментар (21)
Экспарт
Новости партнеров
