Дыктатуру ў СГА не чакаюць

Казахстан можа стаць сябрам СГА ўжо ў 2013 годзе, Беларусь знаходзіцца на далёкіх этапах перамоваў аб уступленні ў арганізацыю.

Пра гэта паведаміў кіраўнік Сусветнай гандлёвай арганізацыі (СГА) Паскаль Ламі, піша «Інтэрфакс».

«Я б выказаў сваё меркаванне, што нават у гэтым годзе мы можам назіраць уступленне Казахстана ў СГА», - сказаў Ламі журналістам у кулуарах Гайдараўскага форуму ў чацвер у Маскве.

Ён адзначыў, што Беларусь знаходзіцца ў цяперашні час на далёкіх этапах перамоваў аб уступленні ў СГА, таму складана сказаць, калі краіна можа стаць сябрам арганізацыі.