Відэа штурму беларускай мяжы
123- 23.01.2013, 14:56
З'явілася відэа таго, як расеец штурмаваў беларускую мяжу на выкрадзеным BMW.
У сетцы з'явілася відэа, знятае камерамі назірання, у якім і быў зафіксаваны прарыў праз мяжу.
Нагадаем, крымінальная справа ўзбуджаная ў дачыненні да расейца, які на выкрадзенным у Германіі BMW нелегальна перасёк беларуска-польскую мяжу.
«У дачыненні да расейца, які перасёк на BMW беларуска-польскую мяжу, распачатая крымінальная справа па ч. 1 арт. 371 «Незаконнае перасячэнне дзяржаўнай мяжы Беларусі». Ён быў затрыманы», - паведаміў агенцтву «Інтэрфакс-Захад» у сераду прэс-сакратар Дзяржаўнага памежнага камітэта Беларусі Аляксандр Цішчанка.
Паводле яго слоў, «грамадзянін Расеі, які мае від на жыхарства ў Германіі, перасёк мяжу на выкрадзеным аўтамабілі, дадзеныя пра яго накіраваны ў Інтэрпол».