Змітра Корабава вярнулі ў АХЛ
1- 21.11.2013, 10:04
- 7,321
Каманда НХЛ «Тампа-Бэй Лайтынгс» адправіла 24-гадовага беларускага абаронцу ў фарм-клуб «Сіракьюз Кранч», які гуляе ў АХЛ.
Напярэдадні Зміцер Корабаў дэбютаваў у НХЛ. Беларус выйшаў на лёд у гасцявым матчы «Тампы» супраць «Лос-Анджэлеса» (2:5). Зміцер правёў на пляцоўцы 13 хвілін 21 секунду, здзейсніў 1 сілавы прыём, ачкоў не набіраў і завяршыў гульню з нулявым паказчыкам па сістэме «плюс/мінус», піша БелаПАН.
За «Сіракьюз» у гэтым сезоне Корабаў правёў 13 сустрэч, у якіх набраў 6 (0+6) ачкоў, беларус таксама мае самы высокі ў камандзе паказчык карыснасці «7».
Корабаў стаў дзевятым беларусам, якія згуляў у НХЛ.