Навукоўцы стварылі 3D мапу самага вялікага каралавага рыфа

Аўстралійскія навукоўцы ўпершыню склалі лічбавую трохмерную мапу ўсёй тэрыторыі Вялікага Бар'ернага рыфа.

Гэты найбуйнейшы ў свеце каралавы рыф, які працягнуўся ўздоўж паўночна-усходняга ўзбярэжжа Аўстраліі на 2,6 тысячы кіламетраў і налічвае амаль 3 тысячы асобных каралавых рыфаў і 900 выспаў.

Вялікі Бар'ерны рыф з'яўляецца прадметам асаблівай гордасці аўстралійцаў, аднак мапы, якія былі да гэтага часу, сапраўды адлюстроўвалі толькі каля паловы яго тэрыторыі. Аўстралійскія навукоўцы, якім дапамагалі іх калегі з Германіі, нарэшце здолелі папоўніць гэты прабел і правялі лічбавую картаграфічную здымку ўсяго рыфа, агульная плошча якога 350 тысяч квадратных кіламетраў, перадае ІТАР-ТАСС.

Атрымаць больш падрабязную інфармацыю аб мапе і зірнуць на здымкі можна на сайце Eomap.

«Мы маем цяпер дакладныя дадзеныя аб ўсёй экасістэме Вялікага Бар'ернага рыфа, - заявіў адзін з кіраўнікоў навуковай групы Робін Біман з аўстралійскага ўніверсітэта Джэймса Кука. - Многія рыфы выглядалі на старых мапах проста як згусткі плям у акіяне. На нашых мапах выразна бачныя ўсе рыфы, водмелі і лагуны. Гэта дасць магчымасць лепш зразумець механізмы руху каралавых лічынак і такім чынам прагназаваць будучае развіццё рыфа».

Вялікі Бар'ерны рыф з'яўляецца самым вялікім на Зямлі прыродным аб'ектам, створаным жывымі арганізмамі. У 1981 годзе ЮНЕСКА прызнала яго аб'ектам Сусветнай спадчыны, аднак глабальныя кліматычныя змены згубна адбіваюцца на развіцці рыфа. Паводле ацэнкі навукоўцаў, за апошнія тры дзесяцігоддзі рыф страціў да паловы каралавых паліпаў, якія ўтвараюць яго структуру.