Японцы знялі на відэа нараджэнне новай выспы
16- 21.11.2013, 15:54
- 26,253
Вывяржэнне падводнага вулкана каля берагоў Японіі прывяло да з'яўлення новай выспы.
Яна «вырасла» побач з больш буйной незаселенай выспай у ланцугу Агасавара. Яе дыяметр складае каля 200 метраў, піша «Корреспондент».
Такое ўжо здаралася і раней. Апошні раз у пачатку сямідзесятых гадоў мінулага стагоддзя свае абрысы здабыла выспа Нішынашыма. Але бывалі выпадкі, калі выспы вулканічнага паходжання, неўзабаве пасля з'яўлення зноў знікалі пад вадой.
Што стане з новай выспай на гэты раз, будзе ясна толькі з цягам часу - таму назву ёй даваць пакуль не будуць.
Відэаролік зняты з верталёта берагавой аховы Японіі.