Супраць экс-міністра абароны Расеі Сердзюкова распачалі справу

У дачыненні да былога міністра абароны РФ Анатоля Сердзюкова ўзбуджаная крымінальная справа.

Пра гэта паведамляецца на афіцыйным сайце Следчага камітэта РФ.

Справа ўзбуджаная па частцы 1 артыкула 293 КК РФ («халатнасць»). Па дадзеных следства, Сердзюкоў, будучы міністрам абароны, у вуснай форме даручыў падначаленым пабудаваць дарогу на базу адпачынку «Жытняе» за кошт бюджэтных сродкаў. Акрамя гэтага, па яго распараджэнню вайскоўцамі былі праведзеныя работы па ўладкаванні тэрыторыі базы, піша Lenta.ru.

Нанесеная дзяржаве ў выніку гэтых дзеянняў шкода ацэньваецца ў 56 мільёнаў рублёў. Як паведаміў агенцтву «Інтэрфакс» афіцыйны прадстаўнік СК Уладзімір Маркін, пытанне аб абранні меры стрымання Сердзюкову будзе вырашана пазней. Самога экс-міністра, па словах Маркіна, ужо апавясцілі аб узбуджэнні справы і выклікалі на допыт у якасці падазраванага.

У той жа час, адвакат Сердзюкова Канстанцін Рыўкін заявіў агенцтву ІТАР-ТАСС, што следчыя афіцыйна не апавяшчаць былога міністра аб узбуджэнні ў дачыненні да яго справы.

Анатоль Сердзюкоў пазбавіўся пасады міністра абароны ў лістападзе 2012 года на фоне ўзбуджэння цэлага шэрагу крымінальных спраў аб маштабных крадзяжах у падкантрольным ведамству «Абаронсэрвісу». Галоўнай абвінавачванай па гэтых справах праходзіць былая чыноўніца Мінабароны Яўгенія Васільева, якую называюць блізкай сяброўкай экс-міністра. Сам Сердзюкоў да апошняга часу быў сведкам па справе аб добраўпарадкаванні «Жытняга».

Першая частка артыкула 293 КК РФ прадугледжвае пакаранне ў выглядзе штрафу, ці папраўчых работ тэрмінам да аднаго года, альбо арышту на тэрмін да трох месяцаў.