Праязныя падаражэюць на 20%
44- 28.11.2013, 11:08
- 22,279
«Менсктранс» зноў заяўляе, што менчукі павінны плаціць за праезд 6.400 рублёў.
Нагадаем, кошт талончыка на адну паездку ў наземным грамадскім транспарце Менска і ў метро ў кіёсках «Менсктрансу» з 1 снежня ўзрасце да 3 тыс. рублёў.
Як паведаміў карэспандэнту агенцтва «Менск-Навіны» намеснік дырэктара ГП «Менсктранс» Віктар Тозік, адпаведнае рашэнне прыняў Менгарвыканкам.
Купля талончыка ў кіроўцы абыйдзецца ў 3,5 тыс. рублёў, карыстанне паслугамі экспрэс-маршрутаў - у 4.300 рублёў. Адначасова падаражэюць і праязныя квіткі - на звычайныя маршруты на 20%, на экспрэсы - на 13%.
Нагадаем, апошні раз праезд у гарадскім транспарце сталіцы даражэў роўна 2 месяцы таму назад, 1 кастрычніка. Тады яго кошт вырас на 500 рублёў, з 2 тыс. да 2,5 тыс. рублёў. Сабекошт адной паездкі, па сцвярджэнні «Менсктранса», на сённяшні дзень складае 6.400 рублёў.