Вялікі распродаж прызначаны на 2014 год?

Улады вымушаныя будуць прадаць не менш за дзесяць найбуйнейшых прадпрыемстваў.

У наступным годзе Беларусі давядзецца пагасіць самыя буйныя ў гісторыі краіны знешні і ўнутраны даўгі. Каб разлічыцца з крэдыторамі спатрэбіцца каля 3,5 млрд. даляраў, піша «Завтра твоей страны». Распродаж якіх дзяржпрадпрыемстваў дазволіць выплаціць хоць бы палову гэтай сумы?

Улічваючы праблемы з ключавымі экспартнымі пазіцыямі, эксперты ўпэўненыя : афіцыйнаму Менску ў 2014 годзе не пазбегнуць буйных продажаў дзяржаўнай уласнасці. Абвешчаны на днях Дзяржаўным камітэтам па маёмасці новы, дысконтны кошт, на 51% долю ў СТАА «МТС» сведчыць пра тое, што ўлады пачалі пошук грошай.

На думку экспертаў продаж акцый 10 найбуйнейшых кампаній дазволіць беларускай дзяржаве выплаціць не менш паловы тэрміновых даўгоў.

Не выключана, што выручка апынецца нават большай, паколькі рынкавы кошт некаторых акцый (напрыклад, Мазырскага НПЗ) вышэй, чым балансавы.

Топ-10 магчымых продажаў дзяржуласнасці ў 2014 годзе, якія дазволяць расплаціцца хоць бы з паловай знешніх і ўнутраных даўгоў