Курыныя яйкі падаражэлі на 20%

Выраслі адпускныя кошты на курыныя яйкі.

Пра гэта гаворыцца ў пастанове Мінэканомікі.

«Прымаючы пад увагу павелічэнне выдаткаў на вытворчасць яек, звязанае з падвышэннем кошту сельскагаспадарчай сыравіны, для недапушчэння стратнасці вытворчасці названай прадукцыі, а таксама ў сувязі з дасягненнем большасцю птушкафабрык гранічных максімальных адпускных коштаў на курынае яйка, з улікам прапаноў Мінсельгасхарча, прынятая пастанова Міністэрства эканомікі ад 2013/01/28 г. № 8 «Аб унясенні дапаўненняў і зменаў у пастанову Міністэрства эканомікі Рэспублікі Беларусь ад 26 красавіка 2012 г. № 35», - гаворыцца ў пастанове.

Гэтай пастановай прадугледжаная магчымасць падвышэння арганізацыямі-вытворцамі ў лютым 2013 года да 20 працэнтаў адпускных коштаў на яйка курынае белае і яйка курынае каляровае, не перавышаючы памежных максімальных адпускных коштаў адпаведна 9 240 і 10.164 рублёў за 1 дзясятак.