«Прессбол»: Хакеісты патрабавалі 500 тысяч даляраў за «пуцёўку» ў Сочы

Пра гэта ў сваёй традыцыйнай рубрыцы «Тры-300» паведаміў журналіст Сяргей Новікаў.

«Назаўтра пасля паражэння нашых хакеістаў ад славенцаў быў ладна ўражаны падрабязнасцю, пачутай з вуснаў статуснага спартыўнага кіраванца, - піша Новікаў на сайце «Прессбола». - Аказваецца, перад ад'ездам на алімпійскую кваліфікацыю ў Войенс зборная Беларусі рабром ставіла пытанне аб прэміяльных - паўмільёна даляраў «на круг» за трапленне ў Сочы. Праўда, зараз не так важна, абяцалі іх ці не...»

Нагадаем, нацыянальная хакейная зборная Беларусі не патрапіла на Алімпіяду ў Сочы. Пуцёўку ў кваліфікацыйным турніры ў Даніі заваявалі славенцы.