28 сакавiка 2024, Чацвер, 21:27
Падтрымайце
сайт
Сім сім,
Хартыя 97!
Рубрыкі

Прадпрымальнікам, якія бастуюць, пагражаюць забараніць выезд за мяжу

65
Прадпрымальнікам, якія бастуюць, пагражаюць забараніць выезд за мяжу

Гомельскім прадпрымальнікам пагражаюць забараніць выезд за мяжу ў выпадку пратэрміноўкі арэнднай платы.

Увечары 19 лютага прадпрымальнікі - арандатары гомельскага гандлёвага цэнтра «Сакрэт» атрымалі ад дырэктара ТДА «НП-Сэрвіс» апавяшчэнне, якое той адправіў у адказ на нязгоду прадпрымальнікаў з новымі стаўкамі арэнды, пішуць naviny.by.

Нагадаем, прадпрымальнікі ГЦ «Сакрэт» 19 лютага выступілі супраць чарговага павышэння арэнднай платы. Уласнік, ТДА «НП-Сэрвіс», паведаміў арандатарам, што 1 сакавіка стаўка арэнднай платы падымаецца ў 1,4-2,5 разы.

Уласнік ГЦ на сходзе прадпрымальнікаў не прысутнічаў, але ўвечары 19 лютага арандатары атрымалі пісьмовае паведамленне ад дырэктара ТДА «НП-Сэрвіс», у якім гаворыцца, што «ўсе перамовы з Саветам прадпрымальнікаў ГЦ «Сакрэт» лічым завершанымі. Паміж бакамі не была дасягнутая дамоўленасць аб змене ставак арэнды». З ліста вынікае, што з арандатарамі, якія займаюць 59,27% плошчаў, усе ўмовы ўзгодненыя.

Паводле інфармацыі ўласніка, заявы на скасаванне дамоў пасля павелічэння ставак напісалі арандатары, якія займаюць 4% гандлёвых плошчаў. Паколькі астатнія арандатары не скарысталіся правам скасавання дамоў, уласнік лічыць, што новыя стаўкі арэнды імі прынятыя. «НП-Сэрвіс» апавяшчае прадпрымальнікаў аб магчымых штрафных санкцыях за пратэрміноўку або няпоўную аплату арэнды, судовых спагнаннях, аплаце судовых выдаткаў і «прыняцці мер па абмежаванні арандатараў-неплацельшчыкаў права выезду за межы Беларусі».

Прадпрымальнікі пакуль абдумваюць сітуацыю, але, па словах некаторых, гатовыя на радыкальныя меры, не выключаючы забастоўку або галадоўку.

Напісаць каментар 65

Таксама сачыце за акаўнтамі Charter97.org у сацыяльных сетках