Пад Мазыром загарэўся цеплавоз
27- 23.02.2013, 12:23
Надзвычайнае здарэнне адбылося 22 лютага пад 3 гадзіны ночы на перагоне Казенкі-Мазыр.
Як мяркуюць у МНС, загаранне ў маторным адсеку цеплавоза адбылося ў выніку замыкання электраправодкі рухавіка.
Цеплавоз загарэўся проста падчас руху, з 15 пустымі цыстэрнамі ён рухаўся маршрутам са станцыі Калінкавічы да станцыі Барбароў, паведамляе БелТА.
У МНС адзначылі зладжаную працу машыністаў і работнікаў чыгункі, якія спешна адчапілі ад ахопленага полымем лакаматыва пустыя цыстэрны, а да месца здарэння быў накіраваны рэзервовы цеплавоз. Ён падчапіў падпалены лакаматыў і давёз яго да пераезду Прудок-Мазыр, дзе ўжо знаходзілася падраздзяленне МНС, якое хутка ўтаймавала агонь.
