Сірыйская апазіцыя: Дыялог з забойцамі немагчымы
27- 23.02.2013, 13:54
Нацыянальная кааліцыя апазіцыйных і рэвалюцыйных сіл Сірыі адмовілася ад перамоваў з уладамі.
Апазіцыянеры адхілілі запрашэнне наведаць Маскву і Вашынгтон для іх правядзення. Пра гэта гаворыцца ў заяве кааліцыі, паведамляе ВВС.
Таксама апазіцыянеры адмовіліся ад удзелу ў сустрэчы міжнароднай групы «сяброў Сірыі» ў сакавіку ў Рыме.
Прычынай пастановы названы ракетны абстрэл войскамі Башара Асада горада Алепа, у выніку якога, як сцвярджаюць апазіцыянеры, сірыйскімі ваеннымі забітыя сотні цывільных жыхароў.
Асаблівую віну за падзеі апазіцыянеры ўсклалі на Расею, якая, з іх слоў, далей забяспечвае зброяй рэжым Асада.