Ад Лівіі патрабуюць выдаць галоўнага шпіёна Кадафі

Міжнародны крымінальны суд (МКС) патрабуе, каб Лівія экстрадавала ў Гаагу былога кіраўніка лівійскай выведкі Абдалу ас-Сенусі.

Ён абвінавачваецца судом у злачынствах супраць чалавечнасці, паведамляе РІА «Новости».

МУС у чэрвені 2011 года выдаў ордэр на арышт Абдалы ас-Сенусі. У верасні 2012 года былы кіраўнік выведкі Лівіі быў экстрадаваны ў Трыпалі з Маўрытаніі, дзе знаходзіўся з сакавіка таго ж года. Дамоўленасць аб экстрадыцыі была дасягнута неўзабаве пасля арышту ас-Сенусі ў аэрапорце маўрытанскай сталіцы, куды той прыбыў з Марока па падробленым пашпарце грамадзяніна Малі.

Узброенае паўстанне ў Лівіі працягвалася з лютага па кастрычнік 2011 года і скончылася смерцю дыктатара Муамара Кадафі і зменай улады.