Палітвязням да 25 сакавіка - імянныя канверты
6- 11.03.2013, 10:44
Свіслацкія грамадска-палітычныя актывісты пачалі рассылаць палітвязням, якія знаходзяцца ў розных турмах Беларусі, паштоўкі і лісты да Дня Волі.
Прычым робіцца гэта ў спецыяльных імянных канвертах. Вырабіць такі канверт можа кожны і накіраваць яго па пошце, наляпіўшы адпаведную марку, піша ПЦ «Вясна».
Такім чынам свіслацкія грамадскія актывісты імкнуцца не толькі павіншаваць палітвязняў са святам 25 сакавіка, але адначасова інфармуюць грамадства пра наяўнасць у краіне палітвязняў.
