Тры дні арышту за плакат «Дзе мая свабода?»

(абноўлена) Актывістку «Еўрапейскай Беларусі» Валянціну Цюраву прысудзілі да трох дзён арышту.

Прысуд вынес суддзя суда Савецкага раёна Менска Дзмітрый Паўлючэнка. Ён прызнаў актывістку вінаватай паводле артыкула КоАП 23,34 (удзел у несанкцыянаванай масавай акцыі) і прысудзіў да трох дзён арышту.

У інтэрв'ю charter97.org яна распавяла аб падрабязнасцях затрымання і суда.

«Самым дзіўным у гэтай гісторыі з'яўляецца той факт, што мяне затрымалі не супрацоўнікі міліцыі, а ахоўнікі «Камароўкі» і чалавек у цывільным. Як высветлілася пазней, гэта быў намеснік дырэктара рынка, які пагражаў «пакараць напоўніцу» за мой учынак. Дадам, што ніводзін з іх не меў нагруднага знака з імем і прозвішчам», - адзначыла актывістка.

Дзяўчына падзякавала людзям, якія прыйшлі на яе суд.

«Асобна хачу падзякаваць адвакату, які абараняў мяне на судовым працэсе. Шчыра дзякую праваабаронцам, журналістам і ўсім тым, хто прыйшоў мяне падтрымаць», - склала Валянціна Цюрава.

Нагадаем, дзяўчыну затрымалі 8 сакавіка на менскім «Камароўскім рынку» двое ахоўнікаў і чалавек у цывільным. Яна трымала плакат з надпісам «Дзе маё свята? Дзе мая свабода? ». Тры дні з моманту затрымання Валянціна Цюрава ўжо правяла ў турме на Акрэсціна, таму сёння яна была вызваленая.