Менгарвыканкам забараніў пікет у Дзень Канстытуцыі

Улады Менска не дазволілі актывістам Грамадзянскай ініцыятывы супраць беззаконня ў судах і пракуратуры правесці пікет у гонар Дня Канстытуцыі.

Пра гэта сайту charter97.org паведаміла лідар ініцыятывы, юрыст Тамара Сяргей.

«Мы планавалі правесці пікет у цэнтры Менска ў Дзень Канстытуцыі Рэспублікі Беларусь 15 сакавіка, але атрымалі пісьмовую адмову, за подпісам намесніка старшыні Менгарвыканкама Ігара Карпенкі. У ёй сказана, што заява на пікетаванне не адпавядае патрабаванням артыкула 9 закона аб масавых мерапрыемствах», - адзначыла актывістка.

Юрыстка таксама падкрэсліла, што права на свабоднае выказванне свайго меркавання і правядзенне пікету дадзенае артыкуламі 33 і 35 Канстытуцыі краіны і артыкуламі 19 і 21 Міжнароднага пакта аб грамадзянскіх і палітычных правах.

«Дзеянні чыноўнікаў Менгарвыканкама сведчаць пра тое, што правы грамадзян, зафіксаваныя ў Асноўным Законе краіны, існуюць толькі на паперы, але не ў жыцці. Сталічныя ўлады нават не збянтэжыў той факт, што заяўнікі хацелі правесці пікет менавіта ў Дзень Канстытуцыі», - склала Тамара Сяргей.