Гарадзенскі таксіст збіў дзяўчыну і працягнуў яе на капоце 34 метры
117- 13.03.2013, 16:53
У цэнтры Гародні малады таксіст траўмаваў навучэнку каледжа.
ДТЗ адбылося 12 сакавіка, паведамляе прэс-служба абласной ДАІ. Наезд адбыўся на пешаходным пераходзе. Дзяўчына ішла да свайго інтэрната. Кіроўца на «Мэрсэдэсе» збіў яе і правёз на капоце аўтамабіля 34 метры.
21-гадовы таксіст раней 17 разоў прыцягваўся да адказнасці за парушэнне правілаў дарожнага руху. Чатыры з іх - за перавышэнне хуткасці.
Пацярпелая шпіталізаваная.