Прэзідэнт Сербіі паляцеў дадому
22- 13.03.2013, 20:13
Скончыўся афіцыйны двухдзённы візіт у Беларусь прэзідэнта Сербіі Таміслава Ніколіч.
Самалёт сербскага прэзідэнта вылецеў з Нацыянальнага аэрапорта Менск, паведамляе БелТА.
У цырымоніі праводзін сербскага лідара ўзяў удзел міністр замежных спраў Беларусі Уладзімір Макей.
Нагадаем, 12 сакавіка адбыліся перамовы Лукашэнкі і Ніколіч, яны абмеркавалі «увесь спектр беларуска-сербскіх стасункаў, у тым ліку супрацоўніцтва ў гандлёва-эканамічнай, навукова-тэхнічнай і гуманітарнай сферах, узаемадзеянне на міжнароднай арэне».
У другі дзень візіту, 13 сакавіка, адбыліся сустрэчы сербскай дэлегацыі з бізнэс-коламі Беларусі, у «парламенце». Таміслаў Ніколіч наведаў розныя аб'екты і прадпрыемствы ў сталіцы.