Лунінецкая школа эвакуяваная праз пажар
6- 19.03.2013, 21:15
500 чалавек эвакуявалі з ахопленага полымем будынка.
Паведамленне аб пажары ў дзяжурную частку МНС паступіла сёння днём. У будынку спрацавала сігналізацыя.
Па прыбыцці да школы ратавальнікі выявілі, што пажар пачаўся ўнутры падсобнага памяшкання спартзалы на 2 паверсе. Практычна ўвесь будынак быў задымлены.
У выніку пажару агнём пашкоджаныя 6 спартовых матаў, спартовы трэнажор, дзверы ў дапаможнае памяшканне, закураныя сцены, столь у дапаможным памяшканні спартзалы на другім паверсе школы.
Адміністрацыяй школы эвакуявана 420 вучняў і 52 дарослыя.
Пацярпелых няма. Пажар быў ліквідаваны праз 10 хвілін пасля пачатку. Яго прычына высвятляецца.