Гарадзенскія ўлады паслалі актывістаў пікетаваць у лес

У Гародні актывістам «Беларускай хрысціянскай дэмакратыі» забаранілі пікет каля рынка, адправіўшы іх у бязлюдны лес.

Акцыя за малы памежны рух пройдзе сёння ў Румлеўскім парку з 12 да 14 гадзін, паведамляе прэс-служба БХД.

У гэтую пару года людзей у парку практычна няма.

Мэтай пікету з'яўляецца інфармаванне грамадзян аб сітуацыі з рэалізацыяй Дамовы аб малым памежным руху паміж Беларуссю і Польшчай. Падчас яго правядзення запланаваны таксама збор подпісаў пад зваротам у Міністэрства замежных спраў з патрабаваннем перадаць ноту аб гатовасці беларускай стараны да ўвядзення дамовы ў дзеянне.