Новым амбасадарам Літвы стаў Эвалдас Ігнатавічус
3- 20.03.2013, 17:43
Прэзідэнт Літвы Даля Грыбаўскайтэ падпісала дэкрэт аб прызначэнні амбасадарам Літвы ў Беларусі Эвалдаса Ігнатавічуса.
Новы амбасадар уступіць у пасаду 8 красавіка, паведамляе БелТА.
Эвалдас Ігнатавічус працуе ў МЗС з 1991 года. Ён быў дарадцам амбасады Літвы ў Польшчы, загадчыкам аддзела МЗС па справах Усходняй Еўропы і Цэнтральнай Азіі, генеральным консулам у Калінінградскай вобласці, амбасадарам у Германіі. Двойчы - у 2001-2002 і 2009-2012 гадах - ён быў віцэ-міністрам, працаваў таксама дзяржаўным сакратаром і сакратаром МЗС.
З пачатку снежня 2012 года, пасля таго як Даля Грыбаўскайтэ адклікала з пасады амбасадара Лінаса Лінкявічуса, прызначанага міністрам замежных спраў Літвы, абавязкі часовага паверанага ў справах амбасады Літвы ў Менску выконвае Ёнас Даніляўскас.
Кіраўнікоў дыппрадстаўніцтваў Літвы за мяжой прызначае і вызваляе ад абавязкаў прэзідэнт па прапанове ўрада і з адабрэння парламенцкага камітэта па замежных справах.
Фотa - delfi.lt