Саакашвілі зрэзалі паўнамоцтвы
15- 25.03.2013, 15:24
Парламент Грузіі ў панядзелак прыняў закон аб канстытуцыйных папраўках, якія тычацца абмежавання паўнамоцтваў прэзідэнта.
Згодна з прынятымі папраўкамі прэзідэнт мае права распускаць урад, але не мае права без згоды парламента прызначаць новы кабінет, паведамляе «Інтэрфакс».
Разам з тым прэзідэнт мае права распусціць парламент, калі той тройчы не зацвердзіць новы склад урада, прадстаўлены кіраўніком рэспублікі, які пры гэтым не будзе мець права распускаць парламент у апошнія шэсць месяцаў свайго прэзідэнцкага тэрміну.
Да прызначэння новага ўрада ранейшы ўрад працягвае выконваць свае абавязкі.
Да прыняцця гэтых паправак прэзідэнт Грузіі меў права распускаць і прызначаць ўрад, а таксама распускаць парламент на працягу ўсяго тэрміну свайго кіравання.
На мінулым тыдні прэзідэнт Міхаіл Саакашвілі заявіў журналістам, што канстытуцыйныя папраўкі па абмежаванні прэзідэнцкай улады неістотныя, так як ён ніколі б распусціў бы ўрад, якому «абвясціў вотум даверу народ Грузіі».
У сваю чаргу прадстаўнікі кіруючай палітычнай кааліцыі «Грузінская мара» заяўлялі журналістам, што не вераць у «добрыя абяцанні Саакашвілі, так як яго ўчынкі і рашэнні не заўсёды адэкватныя».
Нагадаем, раней Саакашвілі неаднаразова выступаў у падтрымку беларускага дыктатара, абараняючы яго ад міжнародных санкцыяў. Грузінскія палітыкі таксама заяўлялі пра тое, што, у выпадку неспрыяльнай для грузінскага прэзідэнта сітуацыі ён можа папрасіць палітычнага прытулку ў Беларусі.
Фота з архіву