Венгерскія навукоўцы выявілі шпіёнскую сетку

На кампутары высокапастаўленага чыноўніка з урадавых колаў выяўленая шпіёнская праграма.

Навукоўцы з Будапешцкага тэхнічнага ўніверсітэта сумесна з экспертамі фірмы «Касперскі» па заданні службаў бяспекі Венгрыі прааналізавалі яе і падзяліліся вынікамі расследавання, піша нямецкае выданне Der Spiegel (пераклад - Inopressa).

Па дадзеных выдання, праграма, званая TeamSpy, за мінулыя месяцы была выяўленая на кампутарах прадстаўніцтва НАТА і амбасады адной з краін ЕЗ у Расеі. Заражаныя былі таксама кампутары блізкаўсходняй напаўдзяржаўнай фірмы па вытворчасці электронікі і нейкага расейскага прамысловага прадпрыемства. Праграма таксама выкарыстоўвалася для шпіянажу за беларускімі праваабаронцамі, піша часопіс.

Паведамляецца, што праграма запамінала дадзеныя, уведзеныя праз клавіятуру, паролі, дадзеныя аб прымяненні шыфраў і інфармацыю з iTunes аб падключанай да кампутара iOs-тэхніцы.

Па словах навукоўцаў, заказчык праграмы невядомы.