CК расследуе выбух на спіртзаводзе ў Лынтупах

Следчыя распачалі крымінальную справу па факце выбуху на Лынтупскім спіртзаводзе.

«Крымінальная справа ўзбуджаная па ч. 2 арт. 302 «Парушэнне правілаў вытворча-тэхнічнай дысцыпліны, правіл бяспекі на выбухованебяспечных прадпрыемствах або ў выбухованебяспечных цэхах, або правіл бяспекі выбухованебяспечных работ», - паведаміла афіцыйны прадстаўнік упраўлення Следчага камітэта па Віцебскай вобласці Іна Гарбачова.

Яна ўдакладніла, што на месцы здарэння працуюць следчыя УСК па Віцебскай вобласці, перадае «Інтэрфакс»

27 сакавіка на тэрыторыі Лынтупскага спіртзавода (Пастаўскі раён, Віцебская вобл.) адбыўся выбух, пацярпелі 4 чалавекі. Пасля адна з жанчын памерла ў шпіталі ад атрыманых траўмаў.