Прыватная кампанія «Вітавія» абанкруцілася: самалёты прададзеныя

Першая ў Віцебску прыватная авіякампанія «Вітавія», падобна, прайшла кропку незвароту - усё падраздзяленні холдынгу ліквідуюцца, а самалёты, сабраныя ў Чэхіі, прададзеныя.

Нагадаем, што ў чэрвені 2011 года, калі старшыня аблвыканкама Аляксандр Касінец, міністр транспарту і камунікацый Рэспублікі Беларусь Іван Шчэрба і адзін з заснавальнікаў чэшскай кампаніі «PDW-group sro» (Павел Гарадноў падпісалі інвестыцыйную дамову аб стварэнні на базе аэрапорта «Віцебск» авіятранспартнай кампаніі. Аднак «Вітавія» не змагла адплаціцца за пабудаваныя ў пачатку 2012 года самалёты, а з траўня таго ж года супрацоўнікі кампаніі перасталі атрымліваць заработную плату.

Пасля публікацыі «Народных навінаў Віцебску» аб ліхтугах віцебскай авіякампаніі і дзіўных паводзінах чэшскага інвестара, афіцыйныя СМІ горада паведамілі, што Гарадноў даслаў на імя Аляксандра Касінца ліст, дзе абяцаў 1 лістапада аднавіць фінансаванне «Вітавія», а да 19 лістапада прадставіць Віцебскаму аблвыканкаму і Міністэрству транспарту і камунікацый дапрацаваны генеральны план авіякампаніі. Але грошы на рахунку «Вітавія» так і не з'явіліся.

Паводле інфармацыі Міністэрства юстыцыі Рэспублікі Беларусь рашэнне аб ліквідацыі замежнага прыватнага вытворча-гандлёвага ўнітарнага прадпрыемства «Вітавія Ойл», замежнага прыватнага ўнітарнага прадпрыемства «Вітавія» і замежнага прыватнага ўнітарнага прадпрыемства па аказанні паслуг «Мытна-Лагістычная Кампанія Вітавія Карго» прынятае 10 снежня 2012 года, а рашэнне аб ліквідацыі замежнага прыватнага ўнітарнага прадпрыемства па аказанні паслуг «Кіруючая кампанія холдынгу «Вітавія Груп» - 10 студзеня 2013 года. Цікавыя і даты стварэння кампаній холдынгу, якія прыводзяцца ў гэтым дакуменце: аказваецца першым, 29 ліпеня 2011 года, было створана ЗППТУП «Вітавія Ойл», а сама авіякампанія з'явілася толькі 9 верасня 2011 года.

Каб даведацца пра лёс двух самалётаў Let L-410, пабудаваных для віцебскага паветранага флоту, журналісты звязаліся з «Aircraft Industries» і атрымалі ад прадстаўніка завода наступны адказ: «Самалёты не былі праплачаныя. Дамова скасаваная, самалёты перададзеныя іншым заказчыкам».

Са слоў былых супрацоўнікаў «Вітавія» Павел Гарадноў абяцаў у бліжэйшы час прыехаць у Віцебск, каб завяршыць ліквідацыю холдынгу і пагасіць запазычанасць па заработнай плаце. Вось толькі да абяцанняў «космаакадэміка» яны ўжо ставяцца з насцярожанасцю.

У той жа час газета «Пражскі экспрэс» паведамляе, што Фонд страхавання укладаў пачынае выплату кліентам «Крэдытнага саюза PDW, Praha» іх укладаў. У сярэдзіне лютага Фонд страхавання ўкладаў атрымаў ад Нацбанка Чэхіі апавяшчэнне аб няздольнасці Крэдытнага звяза PDW, Praha выконваць свае фінансавыя абавязацельствы перад упаўнаважанымі асобамі з захаваннем законных і дамоўных умоў. Паводле інфармацыі гэтага выдання, адзін з укладчыкаў падаў на дырэктара «Крэдытнага саюза PDW, Praha» Паўла Гараднова заяву ў паліцыю па падазрэнні ў здзяйсненні ашуканскіх дзеянняў у сувязі з дзейнасцю Крэдытнага звяза.