Суседзі Беларусі пераходзяць на летні час
26- 30.03.2013, 20:31
У ноч з суботы на нядзелю большасць еўрапейскіх краін пераходзяць на летні час.
Беларусь і Расея не пераводзяць стрэлкі гадзіннікаў.
З заўтрашняга дня менскі час будзе такім жа, як у Вільні, Кіеве і Рызе. Розніца ў часе паміж беларускай сталіцай і Варшавай, Бэрлінам, Рымам, Венай, Амстэрдамам і іншымі гарадамі зоны CET (Central European Time) ізноў складзе адну гадзіну.
Апошнія 5 месяцаў мы «выпярэджвалі» нашых заходніх суседзяў на дзве гадзіны праз тое, што ў 2011 годзе Беларусь адмовілася ад пераводу гадзіннікаў на сэзонны час услед за Расеяй. Пастановай урада вылічэнне часу ў нашай краіне ажыццяўляецца ў адпаведнасці з міжнароднай сістэмай гадзінных зон паводле занальнага часу плюс адна гадзіна без пераводу стрэлак на сэзонны час. Гэта выклікала крытыку з боку медыкаў і незадаволенасць мноства грамадзян краіны.
Упершыню Беларусь не перайшла на зімовы час 30 кастрычніка 2011 года.