У Брэсцкай і Гомельскай абласцях затапіла 229 падворкаў

У выніку ўздыму вады ў рэках Гомельскай і Брэсцкай абласцей паводкавымі водамі падтоплена 229 падворкаў і 106 дачных дамоў.

У выніку ўздыму ўзроўню вады ў рэках Прыпяць, Гарынь, Простыр на тэрыторыі Брэсцкай і Гомельскай абласцей паводкавымі водамі падтопленыя 4 жылыя дамы, 229 падворкаў, 134 гаспадарчыя пабудовы, 106 дачных дамоў, - паведамляе МНС Беларусі.

Акрамя таго, талымі водамі ў Гомельскай і Брэсцкай абласцях падтопленыя 2 жылыя дамы, 14 падворкаў, 2 гаспадарчыя пабудовы, 1 дачны дом.

Жыццезабеспячэнне населеных пунктаў не парушана, вядзецца пастаянны маніторынг паводкавай сітуацыі.

Нагадаем, узровень вады падчас вясновай паводкі ў 2013 годзе, па прагнозах, дасягне рэкордных значэнняў.