Украінская апазіцыя абвінавачвае ўлады ў перавароце
18- 4.04.2013, 16:49
Апазіцыя абвінаваціла парламенцкую большасць у захопе дзяржаўнай улады і замаху на канстытуцыйны лад.
Выступаючы з трыбуны Вярхоўнай Рады, дзе апазіцыя праводзіць сваё пасяджэнне, лідар партыі «Свабода» Алег Цягнібок заклікаў жыхароў краіны выйсці на вуліцы Кіева ў знак пратэсту супраць дзеянняў улады, перадае ВВС.
Акцыя пратэсту апазіцыі запланаваная на 14:00 у нядзелю 7 красавіка. Адным з яе патрабаванняў будзе прызначэнне выбараў мэра сталіцы Украіны.
Апазіцыянеры таксама кажуць, што праўладныя дэпутаты не сабралі кворум на сваім пасяджэнні, а членаў падліковай камісіі не дапускаюць на пасяджэнне.
Між тым большасць праўладных дэпутатаў засядаюць у асобным парламенцкім будынку на вуліцы Банкавай, дзе разглядаюць медыцынскую рэформу.
«Яны выдатна разумеюць, што іх ўладзе прыходзіць канец, паколькі ў нас ёсць Канстытуцыя Украіны і народ Украіны. Прыйшоў час звярнуцца да народа», - заявіў Алег Цягнібок.
Перад гэтым старшыня фракцыі «Батькивщина» Арсеній Яцанюк сказаў, што дзеянні прэзідэнта, старшыні парламента і дэпутатаў парламенцкай большасці «падпадаюць пад артыкул 109 Крымінальнага кодэксу «Захоп дзяржаўнай улады і замах на канстытуцыйны лад».
Ён нагадаў, што за такія дзеянні пагражае да 10 гадоў пазбаўлення волі, і запатрабаваў ад генпракурора распачаць крымінальную справу.
«Любыя рашэнні, прынятыя не ў сесійнай зале, з'яўляюцца нелегітымнымі, - заявіў Арсеній Яцанюк. - Гэта турмой для іх скончыцца. І арганізатар гэтых рэчаў зразумелы. Арганізатар - прэзідэнт».
Фотa: gazetavv.com