У менскага тралейбуса выбухнула кола
85- 7.04.2013, 10:43
У выніку здарэння пацярпела адна з пасажырак.
Відэа аварыі апублікаваў на YouTube відавочца.
«6 красавіка а 17.20 на Партызанскім праспекце каля скрыжавання з вуліцай Варвашэні ў тралейбусе 3-га маршруту «стрэліла пярэдняе кола. Кіроўца здолела ўтрымаць тралейбус, бо ён рухаўся з невялікай хуткасцю. Праз выбух былі пашкоджаныя ўнутраная і знешняя ашалёўка тралейбуса, сарваныя седалы з двух крэслаў. На падлозе апынулася аглушаная дзяўчына», - піша ён.
Пасажыры разам з кіроўцам надалі першую медыцынскую дапамогу пацярпелай і выклікалі хуткую.
