У Варшаве пройдзе канцэрт «Салідарныя з Беларуссю»
1- 9.04.2013, 15:17
Канцэрт, які стаў ужо традыцыйным, будзе арганізаваны 21 красавіка ў цэнтры польскай сталіцы.
У ім прымуць удзел Лявон Вольскі і гурты «Крамбамбуля» і «Dzieciuki». Таксама выступяць польскія калектывы «Izrael i Goscie» і «Strachy na Lachy».
Канцэрт пройдзе ў Кракаўскім прадмесці каля гатэля «Брысталь». Пачатак - у 19.00.
Упершыню канцэрт «Салідарныя з Беларуссю» прайшоў 12 сакавіка 2006 года ў Варшаве перад прэзідэнцкімі выбарамі ў Беларусі. З тых часоў ён праводзіцца ў польскай сталіцы кожны год.
