Хакейная зборная Беларусі сёння гуляе з Канадай
16- 10.05.2013, 9:50
Каманда Андрэя Скабелкі правядзе свой чацвёрты матч на чэмпіянаце свету, які праходзіць у Швецыі і Фінляндыі.
Матч беларусаў з канадцамі пачнецца ў 21.15, прамая трансляцыя - на тэлеканале «Беларусь-2».
Нашы хакеісты адпачывалі тры дні, а канадцы ўчора разграмілі Швецыю - 3:0.
Нагадаем, зборная Беларусі (дарэчы, самая маладая на першынстве) прайграла Чэхіі (0:2) і Швецыі (1:2), выйграла ў Славеніі (4:3).
У сваёй групе беларусы пакуль на 6-м месцы. Турнірная табліца выглядае наступным чынам: Швейцарыя - 11 ачкоў (пасля 4-х гульняў), Канада - 10 (4), Швецыя - 9 (5), Нарвегія - 6 (4), Чэхія - 5 (4), Беларусь - 3 (3), Данія - 3 (4), Славенія - 1 (4), перадае «Еўрарадыё».
На гэтым этапе ў зборнай Беларусі засталіся яшчэ матчы з Нарвегіяй (11 траўня, 21.15), Даніяй (13 траўня, 17.15) і Швейцарыяй (14 траўня, 13.15).