Velcom пакідае сваіх абанентаў без інтэрнэту

Аператар прыпыніў аказанне паслугі «Высакахуткасны мабільны інтэрнэт» у некаторых гарадах.

C 16 траўня 2013 года ў сувязі з адключэннем сеткі cdma 2000 у шэрагу абласных і раённых цэнтраў краіны (Гомель, Магілёў, Віцебск, Гродна, Мар'іна Горка, Рэчыца, Орша, Жлобін, Бабруйск) прыпыняецца аказанне паслугі «Высакахуткасны мабільны інтэрнэт», гаворыцца на сайце Velcom.

«У сувязі з адключэннем сеткі cdma 2000 нашымі партнёрамі, velcom быў вымушаны прыпыніць аказанне паслугі Высакахуткасны мабільны інтэрнэт» у шэрагу абласных і раённых цэнтраў краіны. Мы прыносім выбачэнні за нязручнасці, з якімі сутыкнуцца нашы абаненты, якія карыстаюцца гэтай паслугай у некаторых гарадах Беларусі», - паведаміў першы намеснік генеральнага дырэктара ЗП «Велком» Мікалай Юшкевіч.

Нагадаем, ТАА СП «БелСел» з 16 траўня таксама прыпыніў аказанне паслуг сувязі ў Гомелі, Магілёве, Віцебску, Гродна, Мар'інай Горцы, Рэчыцы, Оршы, Жлобіне і Бабруйску ў сувязі з мадэрнізацыяй сеткі.